Ni Renato B. Pasaporte
PIO Staff Member

CEBU CITY (Dec. 2, 2022) — Sugdan na karong sunod tuig ang pagtrabaho sa ₱17.3 bilyones nga Cebu Bus Rapid Transit Project dinhi sa dakbayan sa Sugbo.

Osmeña Blvd., kung may BRT na.

Kini human gi-award sa miaging buwan sa Department of Transportation (DOTr) ang proyekto ngadto sa Hunan Road and Bridge (HNRB) Construction nga nakabase sa probinsya sa Hunan sa China.

Nag-abot karong udto sa Citadine Residences sa may Capitol Site ang mga tinugyanan ni’ng dakbayan, sa DOTr ug sa HNRB aron mahisgutan na ang mga kinahanglang andamon sa dili pa sugdan ang proyekto.

Si Eng’r. Gerry Flores sa HNRB niingon nga maghuwat nalang sila nga mahatag sa DOTr ang Notice to Proceed hain mga 15 ka adlaw gikan sa ilang pagdawat sa NTP anha na sila magsugod og trabaho sa maong proyekto.

Gikatakda karong Enero 7, 2023 ang groundbreaking sa maong proyekto diha sa Osmeña Boulevard hain mahuman kini sulod sa usa ka tuig.

Unsaon man? Gihisgutan nilang Engr. Benedicto Guia, Jr. sa DOTr National BRT Program Management Office ug Councilor Jerry Guardo ang trapiko inig Sinuog 2023. 📷 PIO/Allan Cuizon

Gipasalig ni Flores nga dili sila makamugna og kahuot sa dagan sa trapiko sa padayon nilang trabaho sa maong proyekto.

“Plano namin i-klo-close namin yung isat-kalahating linya bawat direksyon, both side, i-close naming, sa gitna lang,” sulti ni Flores.

Apan si Paul Gotiong sa Cebu City Transportation Office (CCTO) nangayo’g traffic assessment plan sa kontraktor aron ilang matun-an og maayo sanglit ang kanhi Jones Avenue daghang mga intersection sa mga sakyanan ingon man ang sa bul-og sa mga tinun-an.

“Sa site inspection palang kami ulit, kaya titingnan pa namin ang ibang agencies anong permits na makukuha naming kaya, as of now, wala pa kaming na submit na traffic plan,” dugang ni Flores.

Matud ni Flores, lakip sa ilang ayuhon ang sidewalk area nga dunay mga nangalungag. Samtang ang center island ilaha usab nga sementohon kay mao man kini ang bus lane.

Kulokabildo. Hihisgutan nilang Konsehal Jerry Guardo ug Paul Gotiong sa CCTO ang trapiko unya inig sugod sa proyektong BRT. 📷 PIO/Allan Cuizon

Samtang si Konsehal Jerry Guardo nisugyot atol sa panagtigom nga ipatawag sa DOTr ang uban sa mga buhatan sa gobiyerno nga kung mahimo sa liwas nalang sa Sinulog sugdan ang pagtrabaho sa kontraktor.

Masamok unya tungod sa dakong kalihokan karong sunod buwan nga mao ang kapistayan sa patron sa Sugbo, Señor Santo Niño, mipadayag si Guardo, chairman sa technical infrastructure committee sa ehikutibo ug sa committee on infrastructure and urban planning sa Konseho,

Matud ni Guardo, atol sa Sinulog, dunay mga dalan nga sirhan ilabina ang South Road Properties, hinungdan nga ilang napanglantawan nga may kahigayunang mumugna og grabeng kahuot sa dagan sa trapiko.

“Ang tanang mga sakyanan gikan sa norte paingon sa south, ug gikan sa south paingon sa norte, anha sagad moagi sa Jones Avenue,” siya mipunting.

“If SRP will close, vehicles will be re-routed diri sa N. Bacalso ug Jones Avenue. That would create big impact sa traffic gihapon because of the citywide celebration,” sulti ni Guardo.

Konsehal Jerry Guardo. 📷 PIO/Allan Cuizon

“Actually, Hunan can already start initial logistical requirement, not necessarily i-close ang dalan. Saghan nga movable area nga no need na during those times di pa kinahanglan isirado ninyo ang dalan,” dugang niya.

Matud ni Guardo mahimong mogahin sila og adlaw para pagguba sa center island diha sa Osmeña Boulevard aron dili makamugna og traffic karong sunod buwan.

Hinoon, ila pang paaboton ug tan-awon ang itanyag nga traffic plan sa kontrator ngadto sa buhatan sa CCTO alang sa pagtuon niini.

Ingon ni Guardo, nga samtang nagpadayon ang pagtrabaho sa BRT project, iyang gisugyot sa DOTrnga idungan nalang ang pagtrabaho sa underground installation sa mga cable wires sa mga telecommunications company.

BRT. This is how the proposed Bus Rapid Transit along Osmeña Blvd. would look like in the future, once the BRT project is completed. (PIO/File)

Kay para niya mao kini ang higayon nga ma trabaho sa mga dagkong kompanya sa telekomunikasyon pagmuntar sa ilawom nga bahin sa mga wires, paagi nga mawagtang na ang mga “spaghetti wires” sa maong dakong dalan.

“This we can showcase that we are doing this kind installation. And this is part of the Singapore-like nga vision ni Mayor Mike Rama,” sulti pa ni Guardo.

“Ang initial agreement namu is PPP, Private Public Partnership. We are dealing with a prospective contractor for the underground installation. Ang agreement, at no cost to the City Government,” mingon si Guardo sa Cebu City News.

Mayor Mike Rama namulong sa panagtigom para mangandam sa pagsugod sa proyekto sa BRT. 📷 PIO/Allan Cuizon

Si Mayor Mike Rama, kinsa midalikyat sa tigom, niingon nga dugay na kining plano sa BRT sa panahon pa ni kanhi Mayor Tomas Osmeña nga kauban pa sila sa politika, hain niadtong higayona konsehal pa siya sa dakbayan.

Ang maong plano sa BRT niadto pang 1992 nahisgutan, 30 na ka tuig ang milabay, matod niya.

Gisulti ni Rama nga, kaniadto atol sa tigom sa usa ka hotel dinhi tali ni anhing Presidente Benigno Aquino, siya gipangutana sa presidente nga butangan og Light Rail Transit (LRT) apan iyang gibalibaran ug giduso hinoon ang BRT.

Tinugyanan. Mayor Mike rama nakig-istorya sa mga taga-DOTr, HNRB ug ni Eng’r. Roberto “Bu” Varquez, kinsa iyang gitugyan nga mo-overseee the dagan sa proyektong BRT. 📷 PIO/Allan Cuizon

“What did I tell to the president? No! Governor Davide was there. The Martinezes were there. I said no, Mr. President. What we need is a BRT,” siya misaysay.

“Why? Putting an LRT going to Capitol, Sto Niño, putting an infrastructure vertical crossing City Hall, and putting an infrastructure were I resided in Natalio Bacalso, over my dead body. And I told him what we need is a BRT,” sulti niya.

Butyag niya ang BRT moabot na unya sa Dakbayan sa Talisay nga modugtong tanan sa Metro Cebu.

“Because progress, prosperity, peace can only be achieved by the formula called connectivity. And the whole island must be connected,” pulong ni Rama. # (PIO/ReyPas)

Mayor assures World Bank full backing for BRT
Package 1 of BRT project to start in January 2023