Ni Rey Pasaporte 
PIO Reporter

CITY HALL, Cebu City (Sept. 29, 2022) — Sa pagsugod niya sa iyang termino isip usa sa mga bag-ong konsehal sa atong dakbayan, wala long-i ni Konsehal Edgardo “Jaypee” Labella ang pagtuman sa saad ni Mayor Mike Rama nga butangan og libreng wifi ang kada usa sa 80 ka mga barangay.

Councilor Edgardo “Jaypee” Labella. (PIO/Allan Defensor)

Kini iyang gisawo isip programa ni kanhi konsehal Edu Rama, nga napili nga kongresista sa habagatang distrio sa dakbayan sa Sugbo.

“Naa na tay na-approve-ban from Congressman Edu Rama when he was a still a councilor nga ang lain-laing barangay butangan nato og cell sites ug internet. Ako nay mo-handle ana sa implementation pero gasigi na og trabaho karon,” sulti niya.

Si Konsehal Labella, anak ni kanhi mayor Edgar Labella, mao karoy labaw sa committee on information and communications technology sa Konseho sa Dakbayan. 

Sa iyang paglingkod sugod niadtong Hulyo 1, iya ng napatawag ang mga telecommunications company ug ang Department of Information and Communication Technology (DICT) kabahin sa suliran nga hiya ang signal ug daghan pa gani ang dead spots ilabi na didto sa bukid.

Naa na tay na-approve-ban from Congressman Edu Rama when he was a still a councilor nga ang lain-laing barangay butangan nato og cell sites ug internet. Ako nay mo-handle ana sa implementation pero gasigi na og trabaho karon.

Councilor Edgardo “Jaypee” Labella

Ingon ni Labella, girason sa mga telecommunication company nga kuwang gyud mga cell sites unya naglisud sila pagbutang kay daghang moreklamo nga ang cell sites makamugna og sakit nga kanser sa mga tawo.

“Naay study ang DICT because I asked kung unsa ni ka tinuod. Matud pa sa DICT, ang kanang mga cell sites nga gipangbutang has the same radiation nga gi-emit sa atong mga cellphones. So, dili na maka-cancer. So pareha ra gihapon na. Only problem is daghan kaayong nisakay maka-cancer kuno,” pulong niya.

Kumbinsido si Konsehal Jaypee Labella nga walay angay ikabalaka kabahin sa kakusgon sa radiation gikan sa mga cell sites, nga pulong sa buhatan sa Department of Information and Communication Technology kapareho ra sa radiation gikan sa usa ka cellphone. (Hulagway gikan sa Pexel.com)

“Pero base sa ilang study dili kuno. This is why magplano ko magbutang ta og information drive nga cell sites are safe. Kay ngano man? Para mabutangan ta og dugang mga cellsite.  Willing kayo mopuno og cellsites (ang telecommunication companies) wa lang gyuy yuta nga mabutangan kay mahadlok ang mga tawo,” dugang niya.

Kabahin sa kanihay sa signal sa internet, iya na kining gipadayag pinaagi sa usa ka privilege speech sa hawanan sa konseho sa niaging buwan. Kini aron mapaabot ngadto sa mga telecommunication nga kompanya nga bati ang ilang serbisyo bisan diri sa City Hall.

“Kung gusto ta ma-Singapore-Like gusto ta moasenso atong siyudad, when it comes to ICT, ngano di man nato unahon ang City Hall…?  Ako ni gipasugdan na. Mahinayhinay na ni’g trabaho,” ingon ni Konsehal Labella.

Gusto ni Konsehal Jaypee Labella nga unahon sa pagsiguro sa supplier sa internet connection sa kagamhanan nga paspas ang sa City Hall, isip kabahin sa paghimong smart city sa dakbayan. (PIO/File)

Lain iyang target mao nga sulod sa una niyang termino, o sa mosunod nga tulo ka mga tuig, mahimo na gyung smart city ang atong dakbayan.

“Mayor Mike and me are of the same direction. Ato lang gyud tan-awon kinsay pinakanindot nga proposal ug programa para mahimo ‘tang smart city. I have been to other LGUs, because being the head of ICT ila kung gipakita, sus nindota! Mora’g kanang sa US kanang ilang war room ngilngig kaayo sila,” sulti sa konsehal. #

Free public wifi in 50 barangays in October