CITY HALL, Cebu City (Jan. 10, 2022) — Gimando ni Mayor Mike Rama sa City Health Department nga ihatod gyud sa mga balay ang ipanghatag niini nga mga tambal.

Atols sa flag-raising ceremony karong adlawa, niingon siya nga aron mas mapadali, sayon, ug luwas ang mga residente, kinahanglang dili na sila moadto pa sa Barangay Health Centers.

“Dako kaayo og trabahuonon ang City Health. Ang akong directive, ayaw na ninyo paanhaa ang mga tawo sa Barangay Health Center. Put’sa na tanang mga tambal, i-house-to-house na sa mga balay nga kabos aron naa na silay ilang ginganlan nato og defense mechanism,” nagkanayon ang mayor.

“Ayaw na ninyo paanhaa ang mga tawo sa Barangay Health Center. Put’sa na tanang mga tambal, i-house-to-house na sa mga balay nga kabos aron naa na silay ilang ginganlan nato og defense mechanism.”

Mayor Mike Rama kabahin sa mga tambal alang sa mga kabus

Gihimo niya ang maong mando tungod kay nagpadayon gihapon ang hulga sa pandemya. Gani, nisugod na sab og saka ang gidaghanon sa mga lumolupyo nga nataptan sa sakit dinhi sa dakbayan.

Apan nisulti ang mayor nga dili angay nga makuyawan ang mga tawo kay gibuhat sa siyudad ang angay buhaton aron malikayan ang maong padayong pagsaka. (PIO/NJY)

Padayon pa ang hulga sa pandemya maong gusto ni Mayor Mike Rama nga mapanalipdan gihapon sa dakbayan ang mga tawo. (PIO/Allan Defensor)