CEBU CITY (Enero 29, 2024) – Gibuksan karong adlawa ang bag-ong Material Recovery Facility (MRF) nga anaa sa bukirang barangay sa Binaliw sa amihanang bahin niining dakbayan.

Ang MRF, nga dumalaon sa Prime Integrated Waste Solutions Inc. (PIWS), anaa mahimutang sa kanhi pribadong landfill sa ARN Central Waste Management Inc. nga napalit niini.

Ang maong kahimanan magsugod na og mugna og enerhiya gikan sa basura nga mahimong magamit sa dakbayan.

Si Mayor Mike Rama nakigpulong sa mga guests atol sa inauguration sa MRF sa Prime Integrated Waste Solutions Inc. | 📷 PIO / Ruel Rosello

Nitambong sa inagurasyon si Mayor Mike Rama kauban ang iyang kapikas nga si Malou, Konsehal Dondon Hontiveros, Atty. Jade Ponce, ug uban pang mga labaw sa kagamhanan sa dakbayan.

Sa iyang pagpamulong, gidayeg ni Mayor Rama ang kahimanan, kansang mga ekipo gikan pa sa Uropa, Estados Unidos, ug Asya ug maoy labing una dinhi sa nasud.

“I am here on behalf of the City Government because I trust that it will eventually become, as you have said, I was waiting for it, renewable energy,” pulong sa mayor.

“I’m very biased to renewable waste to energy. I wish that when I come, it will be more of energy to talk about and waste converted to energy,” siya midugang.

Sa bahin sa PIWS nga gipanag-iya sa magpapatigayon nga si Enrique Razon, Jr., nipadayag sa iyang pagpasalamat si Cara Peralta, tagduma sa kompanya, sa pagpaluyo nga gipakita sa kagamhanan sa dakbayan.

Cara Peralta of Prime Integrated Waste Solutions Inc. | 📷 PIO / Ruel Rosello

“Through the support of the LGU and the barangays we serve, PIWS was able to rehabilitate and transform this landfill into what it is today,” nagkanayon si Peralta

“We focus on proper and professional operations in waste handling to ensure efficiency, but most of all safety,” siya midugang.

Namulong sab si Ponce, ang chairman sa Solid Waste Management Board (SWMB) sa kagamhanan, nga dako nga kalamboan ang gihimo sa PIWS sa kanhi ordinaryo lang nga landfill sa kanhi ARN Central Waste Management.

Kahinumdoman nga nabalita niadtong Disyembre 2022 nga gipalit sa PIWS ang ARN aron mao nay modumala sa landfill.

“This is a vast improvement. Since time immemorial, si Mayor wanted to do away with the landfill. Now, we welcome nga naa na ‘ta, ang private sector, especially sa grupo nilang (Enrique) Razon, ni-intervene towards converting the landfill into something else,” pulong ni Ponce.

Process. Mayor Mike Rama checks the process at this new MRF through the illustration on this billboard. | 📷 PIO / Ruel Rosello

“So, karon, dili na ni siya purely landfill. Part of this is going to be RDF (Refuse Derived Fuel). So, mura’g kung gipasagdan pa wala pa mosulod ang private sector (PIWS) ani, what will happen is that we will be stuck with an ordinary landfill,” dugang niya.

Ang RDF usa ka tinubdan sa masubli nga enerhiya nga magsiguro nga ang basura dili lang kay ilabay og landfill kun dili adunay may makuhang kapuslan gikan niini.

Marker. Mayor Mike Rama (center, left) and PIWS’s Cara Peralta (center, right) unveil the marker to inaugurate the new Material Waste Recovery Facility (MRF) at Barangay Binaliw. With them is Mayor Mike’s wife, Malou, city officials, and PIWS representatives. | 📷PIO / Ruel Rosello

Pulong ni Ponce, trabahoon unya sa SWMB ang paghimo og mga lagda aron sa pagbag-o sa mga balaod sa dakbayan, ilabi na sa buhis, aron sila maglangkob na sa samang mga pamaagi nga dala sa kalamboan sa teknolohiya.

“Usa sad diha nga among i-improve…is to come up with policies to update sa atong mga ordinances, especially about sa taxes…. Ang atong mga collection is going to be improve to meet sa mga ing-ani nga klase sa standard,” sulti ni Ponce. |PIO / njy / rm

Mayor bares Razon Group entry in city’s waste management efforts
Tech, facilities there to solve trash situation