Walay Transport Strike sa Lunes

Ma. Charisse Bayno Pineda
PIO News Correspondent

Cebu City, March 4, 2023– Walay Transport Strike nga mahitabo karong Lunes, (Marso 6, 2023) dinhi sa Sugbu.

Kini ang gıklaro sa kagamhanan sa Dakbayan sa Sugbu human sa tigum sa mga opisyal sa dakbayan karong hapon  uban sa nagkalainlaing transport group ug ahensya sa gobierno.

Nangulo sa tigum si Atty. Collin N. Rosell, Secretary to the Mayor.

Nitambong ang mga opisyal sa Cebu City Risk Reduction Management Office(CCDRRMO), DGS-EEMM, mga representante sa buhatan nila ni Konsehal James Anthony Cuenco ug Konsehal Franklin Ong sa Liga ng mga Barangay, Citrasco, Piston Cebu, Airland Taxi, Cebu City Transport Office(CCTO) ug MRTSI

“No strike is declared for Cebu,” segun ni Ryan Benjamin Yu, Chairman sa CITRASCO.

Samtang si Greg Perez, Pangulo sa PISTON-Cebu, miingon sab nga walay pagahimoon nga Transport Strike ang ilang grupo apan dunay dul-an usa ka gatos ka mga driver uban sa ilang mga asawa ug mga anak nga magtapok atubangan sa buhatan sa Land Transportation Franchising and Regulatory Board(LTFRB-7) sa E. Chavez St. aron mopadayag są ilang mga yangungo.

Gibutyag ni Atty. Rosell, dunay contingency plan ang dakbayan bisan way transport strike nga gideklarar ang mga transport group dinhi sa Sugbu.

No strike is declared for Cebu.

Ryan Benjamin Yu, Chairman sa CITRASCO.

Miingon si Atty. Rosell nga “klaro man nga walay Transport Strike pero ang CCG kay mangandam gyud ingkaso naay mga kalihukan nga ipahigayon labi nga naay.. mga isyu. We will facilitate a meeting to different agencies as to the transport agencies.”

Si Harold Alcontin, CCDRRMO Head, miingon nga dunay 20 ka bus nga giandam kun mahitabo nga maapektuhan ang publiko.

Sa South District Mao kind ang rota sa mga bus nga giandam:

Bulacao – Pardo – Mambaling – Emall – Imus – SM – Vice Versa 

Bulacao – Colon – Vice Versa

3. Colon – Labangon – Vice Versa

4. Inayawan – Colon – Vice Versa

5. Mambaling – Emall – Colon – Vice Versa

Along sa North District:

1. Colon – Jakosalem – Ayala – Talamban – Vice Versa

2. Colon – SM – Vice Versa

3. Ayala – Talamban – Vice Versa

4. Colon – Capitol – Lahug – Apas – Vice Versa

5. Colon – Ayala – SM – Colon

 “Di angay mokompyansa kay ang Mayor sa Syudad sa Sugbo, gusto nga naa gyud standby nga Contingency Plan ingkaso naa gyud kalihokan nga ipahigayon,” matod ni Alcontin.

Dugang ni Atty. Rosell, “Nihatag og instructions si Mayor Rama nga importante nga makita ang kapolisan sa Lunes para mamintina gyud ang kahapsay sa kadalanan.”

Ang publiko giawhag nga motawag dayon ini nga numero 0932 537 7770 âlang sa ilang mga concern ug panginahanglan.