Ni Nova Jane Yanson
Staff Member

CEBU CITY (Pebrero 28, 2023) — “Gikan sa ilawom sa akong dughan, ang pagbati ni Mike Rama dili matugkad kay kini dream come true.”

Mao kini ang pamahayag ni Mayor Michael Rama sa iyang mensahe atol sa gipahigayon nga groundbreaking ceremony kagahapong adlawa sa Cebu City South Coastal Urban Development Housing Project, nga nahimutang sa Barangay Basak San Nicolas.

“I’ve always been emotional, Mr. President. But this is your time, I have done my time and you’ve answered the quest and Jerry worked it out to bring poverty answered, to bring dignity wanted, dignity restored and here we are Pambansang Pabahay Para sa Pilipino Program (4PH),” pulong niya.

Mayor Rama. (PIO/ Allan Cuizon)

Ang gisangpit ni Mayor Rama mao si Presidente Bongbong Marcos.

Dugang ni Mayor Rama, mahinungdanon ang maong kalihokan ug alang kaniya dili gyud kini mapapas sa talaan sa kasaysayan ug dili gyud niya kini makalimtan.

Ang maong kalihokan gitambongan ni President Ferdinand Marcos, Jr ug siya mao sab ang nanguna sa groundbreaking ceremony.

Sa mensahe ni Presidente Marcos, Jr., niingon siya nga dili magmalampuson ang maong programa kung wala magtinabangay ug maghiusa ang nasudnong kagamhanan ug mga lokal nga kagamhanan.

“Lahat ng ating kakayahan ay binibigay natin para maging totoo ang pangarap ng ating mga kababayan na magkaroon ng sariling tahanan. Kaya naman narito tayo ngayon upang sigurohin na hindi mapag-iiwanan ang mga kababayan natin dito sa Cebu City,” pulong sa presidente.

I’ve always been emotional, Mr. President. But this is your time, I have done my time and you’ve answered the quest and Jerry worked it out to bring poverty answered, to bring dignity wanted, dignity restored and here we are Pambansang Pabahay Para sa Pilipino Program (4PH.

Mayor Mike Rama

Gipasalamatan sabi ni Presidente Marcos Jr. ang kagamhanan sa dakbayan sa Sugbo sa bug-os nga pagsuporta niini sa pabalay nga programa sa national government.

“Sama-sama po nating tiyakin na ang mga itatayong bahay ay matibay, dekalidad, at hindi bastabastang nasisira kahit dinaanan ng bagyo. Kahit abutan ng lindol ay makikita nating nakatayo pa at maganda pa rin ang kanilang mga tirahan,” pamahayag niya. Lakip sa mga makapahimulos sa programa mao ang mga pamilya nga apektado sa gipatuman nga tres metros nga easement sa walo ka mga sapa sa dakbayan.