Ni Nova Jane Yanson
Staff Member

CEBU CITY (Pebrero 25, 2023) — “If you love your city, if you have passion, and if your heart will speak, your mind will listen, and please, please, let’s make our city livable, let’s make our city smart.”

Mao kini ang pamahayag ni Mayor Mike Rama atol sa gipahigayon nga “Testimonial Dinner and Awarding Ceremony” kagabii isip kabahin sa pagsaulog sa ika-86th Charter Day sa dakbayan sa Sugbo.

Mayor Mike Rama ug first lady Malou Rama. (PIO/Ruel Rosello)

“Let’s make our city to be proud of all of us of so that when death will come upon us…we will leave a legacy, and that legacy is our responsibility,” ingon niya.

Gihisgotan sab sa mayor ang pipila ka mga mahinungdanong mga buhatonon sa kagamhanan, nga naglakip sa pagtiwas sa Cebu City Medical Center, pagpalambo sa kayabayonan, katumanan sa monorail, paghiling sa mga istruktura sa dakbayan aron pagsiguro sa ilang kalig-on batok sa katalagman, pagtigom sa tubig, paghimong modern sa kapulisan, ug uban pa.

Gipasalamatan sab ni Mayor Rama ang tanan nga nitambong sa pagsaulog sa ika-86 nga Charter Day.

Kini sab ang gipamulong ni Bise Mayor Raymond Alvin N. Garcia, kinsa mao sab ang chairman sa Cebu City Cultural and Historical Affairs Commission (CHAC).

Let’s make our city to be proud of all of us of so that when death will come upon us…we will leave a legacy, and that legacy is our responsibility.

Mayor Mike Rama

Sa iyang mensahe, nagpasalamat siya sa nagkalainlaing nga tawo ug mga grupo nga nitabang alang sa kalamposan ug kalamboan sa siyudad.

“To them we say daghang salamat. Thank you to all the awardees for truly putting the vision of our mayor to be Singapore-like into action. Let’s all move forward to Singapore-like Cebu City that we can truly be proud of,” nagkanayon ang bise mayor.

Si Mayor Mike Rama, Bise Mayor Raymond Alvin N. Garcia kauban si first lady Malou Rama ug ang mga awardees ug mga department heads sa City Hall. (PIO/Ruel Rosello)

Lakip sa gihatagan og award atol sa kalihokan mao ang Women in Literary Arts (WILA) isip Outstanding Institution.

Gipasidunggan sab atol sa kalihokan isip “Outstanding Individuals” silang William John Riley Tiu Go, karting world champion; award-winning song writer ug producer Jude Gitamondoc; ug Posthumous Award ngadto ni Elias O. Baquero. #