Ni Nova Jane Yanson
Staff Member

CEBU CITY (Pebrero 22, 2023) — Pipila ka mga kawani ug departamento sa lokal nga pangagamhanan sa dakbayan sa Sugbo ang gipasidunggan kagabii atol sa “Program on Awards and Incentives for Service Excellence” (Praise) Awards.

Kabahin ang kalihokan sa pagtamod sa ika-86 ka tuig nga kasumaran sa pagkahimong Chartered City sa dakbayan.

Gipasalamatan ni Mayor Mike Rama ang mga kawani sa City Hall sa ilang pagkugi ug pagtabang nga mahitabo ang iyang gidamgo nga mahisusama sa Singapore ang dakbayan sa Sugbo. (PIO/Allan Cuizon)

Giila sa Praise Awards ang mga kawani ug mga departamento nga nagpakita ug maayong pamatasan ug ag isa pagtrabaho.

“I am nothing without the people working towards making the quest for a Singapore-like Cebu City,” pulong ni Mayor Mike Rama isip yukbo sa mga awardees.

I am nothing without the people working towards making the quest for a Singapore-like Cebu City.

Mayor Mike Rama

Ang mga gihatagan sa awards naglakip nil ani Dr. Anton Oliver Reposar II sa Cebu City Medical Center (CCMC) isip Oustanding Department Head (Big Department Category), Atty. Charisse L. Piramide sa Sangguniang Panlungsod (Medium Department Category), ug Dr. Jessica O. Maribojoc sa Department of Veterinary Medicine and Fisheries (DVMF).

Nakuha sab sa CCMC ang Outstanding Department sa Big Department Category ug sa DVMF sa Small Department Category.

Gihalaran ni Mayor Mike Rama ug kanta ang sulondon nga mga kawani sa City Hall atol sa Praise Awards. (PIO/Allan Cuizon)

Alang sa Mayor’s Special Awardees, usa sa nakadawat mao si Martin Lorenzo S. Del Rosario, Data Management Section head sa Cebu City Risk Reduction and Management Office, nga mao sab ang pinakabata nga awardee.

Matod ni Del Rosario, ikaduha na niya nga Mayor’s Special Award nga nakuha ug mapasalamaton siya sa gihatag ni Mayor Rama ug sa pagsalig niini kaniya.

Del Rosario. (PIO/File)

Ingon niya, wala siya nangandoy sa maong pag-ila, kay ang gusto lamang niya nga mangalagad sa tinud-anay ngadto sa mga tawo diha sa iyang gisudlan nga trabaho, nga mao ang kabahin sa disaster risk reduction and management.

“I feel very honored to be with very good people, very amazing people, and in knowing that I am one of the youngest awardees nga at par with these kinds of people,” ingon ni Del Rosario.

“Doing ordinary things extraordinarily well. That’s the phrase namo as Bosconians ni St. John Bosco. Mura’g ordinary ra ni namo nga buhat pero we do it extraordinarily for the people and for the constituents of the City of Cebu,” dugang niya.

Moabot sa 80 ka mga kawani ug departamento sa City Hall ang nakadawat sa award. #

City Hall employees to get Singapore lessons