Ni Russel Fullozos
Staff Member

CEBU CITY (Pebrero 21, 2023) — Nipahinumdom si Mayor Mike Rama sa mga nidawat karong adlawa sa mga titulo sa yuta nga ilang gitikad nga dili unta ipamaligya ang yuta ug gamiton kini aron ng mapaeskuyla ang ilang mga anak.

Mayor Rama. (PIO/Allan Cuizon)

Pulong sa mayor, magamit ang abot sa yuta kinahanglang gamiton sa katuyoan nga mapatungha ang ilang mga kabataan ug makaangkon og maayong ugma.

“Ang tinuoray nga edukasyon mao gyud nay importante. Tungod sa imong paninguha, imo sad nang ibalik ngadto sa imong pamilya,” pulong ni Mayor Rama.

Gisulti niya ang maong maymay atol sa dungan nga pagpang-apud-apod sa kabisay-an sa certificate of land title (CLOA) pinaagi sa Department of Agrarian Reform, ilabi na sa Provincial Agrarian Reform Office–Cebu.

Ang tinuoray nga edukasyon mao gyud nay importante. Tungod sa imong paninguha, imo sad nang ibalik ngadto sa imong pamilya.

Mayor Mike Rama

Sagad sa mga nakadawat nagagikan sa mga probinsiya sa Sugbo, Negros Oriental, ug Bohol.

Sa Sugbo, ang mga nakadawat mga taga-lungsod sa Catmon, Daanbantayan, Medellin, Moalboal, Argao, Tuburan, ug Barili. Aduna say pito gikan sa Sitio Tuburan, Barangay Mabini, Cebu City. #

Giya sa matang sa yuta sa mga kaumahan gitugyan