Ni Rey Pasaporte
Staff Member

CEBU CITY (Pebrero 21, 2023) — Usa ka video mahitungod sa damgo nga Singapore-like Cebu City; usa ka hulagway nga nagpakita sa nagkidlap nga kagabhion dakbayan; ug usa ka photo story nga naghubit sa pagtuo ug padayong pagdis-og sa dakbayan maoy mga niguwang mga mananaug sa photography ug videography contest sa ika-86 nga Cebu City Charter Day.

Dr. Maribojoc. (PIO/File)

Gipasidunggan anga mga mananaug sa maong contest, nga bukas alang lang sa mga kawani sa City Hall, kagahapong adlawa.

Giila ni Dr. Jessica Maribojoc, labaw sa Cebu City Department of Veterinary Medicine and Fisheries ug program director sa mga kalihokan sa Charter Day karong tuiga, ang mga mananaug nga sila si:

Photography contest:

  1. Lucil Montermoso sa Department of General Services, (P15,000);
  2. Juan Pablo Yao sa Cebu City Environment and Natural Resources Office (P10,000);
  3. Faisalam Matanog sa City Budget Office (P7,000);
  4. Jose Allan Defensor sa Public Information Office, (P5,000);
  5. Giovanni Sanchez sa Management Information and Communication System (P3,000).

Videography contest:

  1. Kahlil Joshua Acenas sa City Tourism Office (P20,000);
  2. Rejea Lorenze Hofelina sa Local School Board (P15,000);
  3. Sangguniang Panlungsod Secretariat (P10,000).

Photo story contest:

  1. Giovanni Sanchez sa Management Information and Communication System (P20,000);
  2. Lucil Montermoso sa Department of General Services (P15,000);
  3. Paul Gotiong sa Cebu City Transportation Office (P10,000).

HERE IS THE FACEBOOK LINK TO ACENAS’ WINNING VIDEO: https://fb.watch/iPXxmc3gsI/

Matud ni Dr. Maribojoc, una kini nga higayon nga naay sama nga indigay atol sa pagsaulog sa Charter Day nga gisalmotan lang gyud og mga kawani sa City Hall.

Ang mga entries nga nakadaug giapil sa nagpadayong exhibit sa lainlaing mga departamento sa City Hall sa Robinsons Galleria. #