Inter-department Services Showcase sa City Hall masaksihan na

Ni Rey Pasaporte
Staff Member

CEBU CITY (Feb. 20, 2023) — Gilusad karong adlawa sa lokal nga pangagamhanan sa dakbayan ang Inter-department Services Showcase diha sa Robinsons Galleria Atrium Mall nga sinalmotan sa 27 ka departamento sa City Hall.

Si Mayor Mike Rama, uban sa pipila ka department heads ug mga konsehal, maoy nangulo sa pagsubo sa kalihokan pinaagi sa usa ka ribbon cutting.  (Kabahin ang kalihokan sa kasaulogan sa ika-86 ka tuig nga kasumaran sukad nga nahimong dakbayan ang Sugbo.

Gihinumdom ni sa mayor nga sa kadtong bise mayor pa siya mangabot sila sa lainlaing mga malls ug adunay parada.

Ingon niya, gituyo nila nga adunay samang kalihokan kay sa una ang mga tawo ubos kaayo ang pagtan-aw ug bugalbugalan ra ang City Hall.

“Bugal-bugalan ra man ninyo ang City Hall ba, kanang ‘City Hall dugay kaayo, kanang City Hall dili motrabaho kung way under the table’,” pulong ni Mayor Rama. #