Ni Nova Jane Yanson
Staff Member

CEBU CITY (Pebrero 20, 2023) — Nanghawod ang Department of General Services ug gipildi ang laing 15 ka mga departamento ug buhatan sa City Hall sa gipahigayon nga “Inter-department Quiz Bowl” karong adlawa.

Gidawat ni Jovanne Villanueva (naggunit sa dako nga tseke kauban ni City Attorney Eugene Orbita sa wala), Charity Ramos (tuo), ug Snrta Marie Trece Flores (tapad ni Ramos nga nagdawat og plake gikan ni HRDO Chief Remie Vestil) sa Department of General Services ang ilang premyo isip mananaug sa Quiz Bowl. (PIO/Allan Defensor)

Ang kalihokan gipasiugdahan sa City Legal Office isip kabahin sa pagsaulog sa ika-86 ka tuig nga kasumaran sa Cebu City Charter.

Pinaagi sa 118 puntos, nag-kampeon ang DGS kung maoy nidawat sa P10,000 nga cash nga ganti ug sa plake.

“Proud of our department, nga at least nakahatag mi og pride pod ug honor sa among Department of General Services,” pamahayag ni  Snrta Marie Trece Flores, usa sa representante sa DGS.

Ang buhatan sa Office of the City Accountant maoy nipupo sa ikaduhang luna sa Quiz Bowl nga nagtangag og P7,500 nga ganti. (PIO/Allan Defensor)

“Among preparation is one meeting ra man mi then individual na namo nga preparations. Team effort gihapon tungod kay nagsabot-sabot raman sad mi kung unsay among i-final answer so mao to siya. God is good,” dugang niya.

Kuyog ni Flores nga nirepresentar sa DGS mao silang Charity Marcos ug Jovanne Villanueva.

Tungod kay sila ang nakakuha sa ikatulong dapit, ang mga representante sa Cebu City Disaster Risk Reduction and Management Office maoy midawat sa P5,000 nga ganti sa Inter-department Quiz Bowl. Ang buhatan sa Office of the City Accountant maoy nipupo sa ikaduhang luna sa Quiz Bowl nga nagtangag og P7,500 nga ganti. (PIO/Allan Defensor)

Ang ikaduhang ganti nakuha sa Office of the City Accountant (89 puntos) nga maoy nipunit sa P7,500 nga ganti ug plake, samtang ang Cebu City Disaster Risk Reduction and Management Office (88 puntos) maoy ikatulo ug nakaginansiya og P5,000 ug plaque.

Ang mga departamento nga wala nakadaug maoy tagsatagsa nga P1,500 nga ganti isip consolation prize.  #

Inter-department Services Showcase sa City Hall masaksihan na