Ni Nova Jane Yanson
Staff Member

CEBU CITY (Pebrero 18, 2023) — “A family that prays together, stays together.”

Kini ang mensahe nga gipasupot ni Mayor Mike Rama ngadto sa mga kawani ug mga opisyal sa City Hall kauban ang ilang tagsatagsa ka mga pamilya atol sa gipahigayong “Family Fun Day” karong adlawa sa South Road Properties.

Gihimamat ni Mayor Mike Ram ang mga pamilya sa mga kawani sa City Hall atol sa Family Fun Day nga gipahigayon sa South Road Properties. (PIO/Allan Cuizon)

“Sakto to ang gisulti sa pari, a family that prays together, stays together,” nagkanayon siya.

Gisugdan ang kalihokan ug usa ka misa, nga gipahigayon sa wala pa namulong ang mayor.  

Sa mao gihapon niyang pagpamulong, nipahinumdom ni Mayor Rama ngadto sa mga empleyado nga ang damgo nga “Singapore-like Cebu City” sa iyang administrasyon dili lang alang kaniya kundi alang sa tanan, maong motabang unta ang tanan.

Hilabihan ka lingaw ang mga bata sa pagduwa dinhi sa inflatable playround nga tuyong gilatag alang sa Family Fun Day. (PIO/Allan Cuizon)

“Palihog lang, ampo, ampo, ampo ug tabang, tabang og ampo, aron kita sa atong paglantaw sa ugma we will be progressive, prosperous, and peaceful. Ug ayaw kalimot to continue moving forward, leading the race, Singapore-like Cebu City,” ingon ni Mayor Rama.

Ang Family Fun Day usa ka kalihokan nga kabahin sa usa ka semanang pagtamod sa ika-86 ka tuig nga kasumaran sa Charter Day sa dakbayan, nga saulogon karong Biyernes, Pebrero 24.

Palihog lang, ampo, ampo, ampo ug tabang, tabang og ampo, aron kita sa atong paglantaw sa ugma we will be progressive, prosperous, and peaceful. Ug ayaw kalimot to continue moving forward, leading the race, Singapore-like Cebu City.

Mayor Mike Rama

Ang maong kalihokan gisugdan sa usa misa ug umba Workout nga gipangunahan ni Mayor Rama ug sa kapikas niini nga si Malou.

Nisunod dayon ang mga duwa, libre nga medical ng paghiling dalit sa Cebu City Medical Center. Aduna say libreng masahe ug tupi dalit sa Department of Manpower Development and Placement, ug .

Lakip sa didto sa Family Fun Day si Bise Mayor Raymond Alvin N. Garcia (ikatulo gikan sa tuo) ug iyang kapikas nga si Kate (ikatulo gikan sa wala). (PIO/Allan Cuizon)

Alang niadtong may dala nga mga binuhi nga iro ug iring, nagpahigayon og deworming ug pamakuna ug nanghatag ug bitamina ang Department of Veterinary Medicine and Fisheries.

Aduna say mga food stalls ug inflatable playground nga gibutang. #