Ni Russel Fullozos
Staff Member
CEBU CITY (Enero 6, 2023) — Padayon nga nanawagan si Mayor Mike Rama sa mga kawani sa City Hall nga dili magmika sa ilang trabaho, dili magtinapolan, alang sa katumanan sa gilantaw nga niya na mahisusama sa Singapore ang dakbayan.
Subli sab niyang gipahinumdom nga adunay dakong kausaban sa matag buhatan sa City Hall, nga maoy giya sa kahapsay sa ipatuman unya nga kalamboan sa dakbayan.
“Og naa man ganiy reorganization after Charter Day (on February 24), I am very clear on that direction. Magtan-aw ko ninyo Singapore-like, apan ang inyong lihok bali,” sulti sa mayor atoll sa flag-raising ceremony sa City Hall karong buntag.
Sa mao gihapon nga okasyon, gimandoan niya ang Local Finance Committee ug ang City Treasurer’s Office nga ipadali ang Charter Day bonus alang sa mga kawani.
Og naa man ganiy reorganization after Charter Day (on February 24), I am very clear on that direction. Magtan-aw ko ninyo Singapore-like, apan ang inyong lihok bali.
Mayor Mike Rama
Pulong ni Mayor Rama, kinahanglang paspasan ang bonus aron adunay magamit ang pamilya sa mga kawani ilabi na sa ilang panag-uban atoll sa Charter Day.
Nipaambit sab siya sa iyang kasinatian sa pag-adto niya sa Dakbayan sa Davao bag-o lang, diin nahinabi niya ang mayor pinaagi a television evangelist nga si Pastor Apollo Quiboloy.
Nipadayag si Mayor Rama sa iyang pagdayeg sa dapit ni Quiboloy, nga pulong niya nag-una na sa pagkasama sa Singapore.
“Nag-una diay si Pastor Apollo Quiboloy, nag-una sa Singapore-like sa iyang compound sa kabukiran, Glory Mountain,” ingon niya. #
Cebu City • News & Information 