Ni Rey Pasaporte
Staff Member

CEBU CITY (Pebrero 1, 2023) — Sa pagsaulog sa Pebrero isip “Civil Registration Month”, nipasalig ang labaw sa Philippine Statistics Authority (PSA)-7 nga padayon nilang palig-onon ug pakusgan pa ang ilang adbokasiya sa paghatod sa serbisyo sa katawhan.

Gipanghinaot sab ni Atty Ariel Florendo, PSA-7 regional director, nga mas molig-on pa ang pakigtambayayongay sa iyang buhatan ug sa lokal nga pangagamhanan sa dakbayan.

Florendo. (Photo: rsso07.psa.gov.ph)

“May all activities related to civil registration continue to improve—the proper complete registration of all birth, marriage, death, and other documents. May this year and years to come be part of a more intensive partnership between PSA and the City of Cebu,” ingon niya.

Ang iyang buhatan tipik sa gihimong motorkada kaganihang buntag sa mga buhatan sa civil registrar sa mga dakbayan sa Sugbo, Mandaue, Lapulapu, ug Talisay; ug sa Probinsya sa Sugbo agi og pagbukas sa “Civil Registrar Month”.

Sa iyang bahin, nisulti si Mayor Mike Rama nga nakakita siya sa kamahinungdanon sa maayong buhatan sa civil registrar kay lagi kini ang nagtipig sa mga record ug dokumento sa pagkatawo sa usa ka lumolupyo.

May this year and years to come be part of a more intensive partnership between PSA and the City of Cebu.

Engr. Ariel Florendo, PSA-7 regional director

“Registrar raba mo. Unsa may significant sa civil registrar? Gusto ka magpakasal, naa diha; gusto nimo entry of correction of name, naa diha. Mao na, civil registrar duol kaayo sa akong kasingkasing,” pulong niya atol sa panapos nga programa sa motorkada nga gipahigayon sa Community Hall sa Cebu City Hall.

“This is a one-month nationwide celebration on civil registration. On behalf of Philippine Statistics Authority, I would like to express my deepest gratitude for inviting PSA to this opening ceremony,” pulong ni Florendo.

Duol sa kasingkasing ni Mayor Mike Rama ang buhatan sa civil registrar tungod sa kamahinungdanan sa gidala niining papel sa kinabuhi sa kada lumolupyo sa dakbayan. (PIO/Ruel Rosello)

Ang Office of the City Civil Registrar (OCCR) sa dakbayan sa Sugbo adunay nakahan-ay nga mga kalihokan sulod ning buwana, sama sa konsultasyon, essay writing (Pebrero 10), on-the-spot poster making contest (Pebrero 17), quiz bowl, ug uban pa.

Karong Biyernes, Pebrero 3, adunay mobile registration ug konsultasyon ang OCCR sa Barangay Ermita dungan sa pagpahigayon sa kagamhanan sa City Hall at Your Doorstep.  #