Ni Nova Jane Yanson
Staff Member

CEBU CITY (Pebrero 1, 2023) — Ang Cebu City Hall mag-“reorganization” aron “malahi ang tipasi sa bugas”.

Kini ang gipahibawo ni Mayor Michael Rama atol sa usa ka press conference nga iyang gipatawag hapon kagahapong adlawa, Enero 31.

Mayor Rama. (PIO/Allan Defensor)

Matod sa mayor, usa kini sa pagpangandam nga gibuhat padulong sa pagkab-ot sa gilantaw nga mahisusama sa Singapore ang dakbayan.

“After we sift the chaff from the grain, part of our Kalamboan will be the development of our employees so they may further hone their skills and talents, and ensure the City would keep public service alive,” pamahayag niya.

“We always look forward to what our goal is, and if our goal is transparency and accountability, then it really brings us to the right person in the right position,” dugang sa mayor.

Daan na niyang gipang-interview ang mga labaw ug mga pangabaga sa mga departamento ug mga division sa City Hall aron pagsuta sa ilang tagsatagsa ka mga katakos ug mga panghunahuna.

Atty. Jimenez (PIO/File)

“Soon I will exercise my management prerogative and then do my pencil pushing on the outcome of their output when they will be sitting together, the city administrator and the secretary to the mayor…. This is all about the reorganization,” nagkanayon si Mayor Rama.

Gawas niini, nisulti siya nga usa sab sa hatagan niya og gibug-aton mao ang pagpahigayon og trainings alang sa mga empleyado sa Cebu City Hall.

“In all the years I’ve been around, up until today, human resource management has been part of my cup of tea. So, training is very, very important,” ingon niya.

Ardosa. (PIO/Allan Defensor)

Nidugang siya nga nakaistorya na niya si Atty. Josephus Jimenez, usa ka labor law expert ug kanhi labor undersecretary, kabahin niini.

“He has much experience in human relations…. He will be coming down and sitting with Suzanne and Colin,” pulong sa mayor.  Ang iyang mga gipasabot mao sila si City Administrator Suzanne Ardosa ug ang iyang executive secretary nga si Atty. Collin Rosell.

“Kanang mga ligoy they should now tender their resignation so that it’ll reduce our problem,” sumpay sa mayor. #

Mayor to City workers: Examine selves thru ‘4-way test’