Ni Renato B. Pasaporte
Staff Member

CEBU CITY (Disyembre 17, 2022) — Nagpahigayon og pasiunang panagtigom ang Sangguniang Panlungsod (SP)  sa kagamhanan sa dakbayan alang sa yearend assessment aron masubay unsay angay nga direksyon niini kauban ang buhatan ni Bise Mayor Raymond Alvin N. Garcia.

Atty. Piramide. (PIO/Allan Defensor)

Gipasabot ni Atty. Chappy Piramide, SP secretary, nga tumong lang gyud sa ilang panagtigom mao ang pagsubay sa mga plano ug mga programa sa lehislatibo sa lokal nga pangagamhanan.

“We have 18 councilors and we are benefited by their numbers, by their ideas, by their influence, by their advocacies.  So,maglahi-lahi gyud kaayo ang mga issues nga ganahan nila i-tackle and mga activities that go along with the issues,” ingon niya.

“So, karon, its more on follow-upping kung asa na man ta dapita sa inyong legislative plans and how can the vice mayor help you achieve those plans,” dugang niya.

Karon, it’s more on follow-upping kung asa na man ta dapita sa inyong legislative plans and how can the vice mayor help you achieve those plans.

Atty. Chappy Piramide, Sangguniang Panlungsod Secretary

Niingon sab si Atty. Piramide nga ang ilang gipahigayon tipik sa ilang subsob nga pagsubay sa mga program ug plano sumala sa pagpasiugda sa buhatan sa bise mayor.

“We all know that the plans and programs and projects of the Cebu City Government come from Executive-Legislative Agenda (ELA),” sulti niya.

Bise Mayor Garcia. (PIO/File)

Gipahigayon ang ELA niadtong Agusto karong tuiga gisundan pa kini sa laing panagtigom alang sa pagsubay kung unsa nay gihimong lihok sa buhatan sa mga konsehal.

Matud ni Piramide, ang direksyon ni Bise Mayor Garcia mao nga nga adunay resulta nga maoy sumbanan sa pagahimoong lihok ug plano.

Gani, dugang niya, sa wala pa gipahigayon ang ELA niadtong Agosto, nakigtagbo si Bise Mayor Garcia sa mga empleyado sa 18 ka konsehal dinhi ug ilang gituki kun unsay iapil sa mga hisgutanan sa ELA.

Ang gipahigayong panagtigom alanga sa Executive-Legislative Agenda niadtong Agusto 24-26, 2022. (PIO/File)

“Nag pre-ELA pa gyud si vice mayor. Pag pre-ELA nahisgotan og unsay mga issues. So, easier na kaayo pagsud sa ELA nga aware na ang mga councilors and aware na ang mga EAs (executive assistants) kung unsay issues nga ganahan nato i-present for the Executive-Legislative Agenda,” ingon ni Atty. Piramide.  #

City officials, execs meet for Executive-Legislative Agenda
Workshop enters second day tackling issues and concerns
City elected officials, execs commit to realize ELA, CapDev