]CEBU CITY (Dis. 1, 2022) — Karong Sabado na ang laing hugna sa pagpanglimpyo tibuok dakbayan maong giawhag ang tanan sa pag-apil bisan og manglimpyo lang sa ilang palibot o’ sa ilang tugkaran lang.

Raymarr Hijara. (PIO/Allan Defensor)

Lakip sa giawhag nga motabang ang mga vloggers ug social media influencers sa paggamit sa ilang dani sa ilang mga followers aron mobulig sa pag-edukar sa mga tawo kabahin sa kamahinungdanon sa pagpanglimpyo.

Sumala ni Reymarr Hijara, executive director sa Solid Waste Management Board sa kagamhanan sa dakbayan, subling nisulti sa gibalikbalik na ni Mayor Mike Rama nga dili mahimo sa kagamhanan nga mao lang ang manglimpyo.

“We are inviting everyone, all Cebuanos…to really join in our cleanup. Bisan sa inyohang tugkaran lang, panghinlo mo,” ingon niya atol sa Panaghisgot sa City Hall kaganihang udto.

“It’s not a simple problem we’re facing. We need structural and non-structural solutions. Even sa behavior sa mga tawo. Dili ni madala sa gobiyerno nga kami-kami ra,” dugang niya.

We are inviting everyone, all Cebuanos…to really join in our cleanup. Bisan sa inyohang tugkaran lang, panghinlo mo.

Raymarr Hijara, Solid Waste Management Board

Iyang giklaro nga wala kini nagpasabot nga wala say pagkuwang ang gobiyerno, sama pananglit sa kakuwang sa mga basurahan, maong gikinahanglan ang pag-inabagay sa tanan.

Ang cleanup karong Sabado ilawom sa pagpasiugdan sa buhatan ni Bise Mayor Raymond Alvin N. Garcia, kinsa maoy nangulo sa Coastal Management Board, uban sa pag-abag sa lainlaing mga buhatan sa City Hall ug mismo sa mga barangay.

Kini nga bahin sa baybayon sa Barangay Pasil maoy sagad dagsaan sa mga basura nga ilabay sa Guadalupe River ug kanunay rombohon sa kada higayon nga may cleanup ang kagamhanan sa dakbayan.

Pulong ni Hijara, lakip sa paningkamot sa pagpanglimpyo sa Task Force Gubat sa Baha ug sa Coastal Management Board mao ang pagpakusog sa kampanya sa impormasyon ug edukasyon kabahin sa pagpanglimpyo.

“Right now we are conducting workshops, not just physical but also online for our educational campaign,” ingon niya.

Nidugang siya nga aduna nay siyay kasabotan sa buhatan sa Public Information Office sa City Hall sa pakig-alayon sa mga vloggers ug mga social media influencers aron sila motabang sa pagpukaw sa kaamgohan sa katawhan kabahin sa pagpanglimpyo.

Ang cleanup niadtong niaging Septiyembre gisalmotan sab sa mga volunteer divers sama sa mga sakop sa Knight Stewards of the Sea. (PIO/File)

“To make people understand why we are doing these interventions…and hopefully so the can also help us…. We really need the participation of the community,” ingon ni Hijara, kinsa mao say sinaligan ni Mayor Mike rama sa River Management Board ug sa Coastal Management Board.

Si kinsa kadtong interesado sa pagsalmot sa cleanup, nga lakip ang mga kabarangayan sa bukirang bahin ug kadtong anaa daplin sa kabaybayonan sa dakbayan, mahimong makig-alayon sa buhatan ni Bise Mayor Garcia. (PIO/rhm)

Pagpanglimpyo niadtong sabado labing malampuson