CEBU CITY (Nob. 10, 2022) – Mahimo na nga magpabakuna og second booster kadtong mga hamtong nga wala pa nag-edad og 50 anyos pataas ug walay mga comorbidities.
Kini ang gibutyag karong adlawa ni Dr. Daisy Villa, labaw sa City Health Department, dihang gikuhaan og pamahayag sa Cebu City News kabahin niini.
“We started nga ang naay comorbidities lang. Apan kung imong hunahunaon tanang mga tawo need na nila ang second booster,” ingon niya.
Dihang gisugdan ang pagpamakuna sa second booster alang sa mga dagko, bugtong mga frontliners, mga 50 anyos pataas, ug kadtong nag-edad og 18 ngadto 49 nga may comorbidities maoy bakunahan sa CHD.
Ang may comorbidities mao kadtong adunay immuno-deficiency, HIV, kanser; adunay transplant; nag-steroid isip tambal; naglubog sa banig nga tandogonon na ang kahimtang; ug uban pang matang sa “immuno-deficiency” nga mga sakit nga gipamatuoran og doktor.
Kabain sa booster nga bakuna alang sa mga minor de edad, unang booster lang ug kasamtangan nga alang sa mga nag-edad lang og 12 ngadto sa 17, piskay ang lawas, ug labing minos lima na ka buwan human sa second dose.
Pulong ni Dr. Villa, imbis nga maabtan nga padung mo-expire ang mga bakuna, angay nga ang tanang mga dagko tugtan na nga makapapabakuna sa ikaduhang booster.
Sa laing bahin, niingon si Dr. Villa nga itratar nila nga kabahin na unya ang pagbakuna batok sa CoViD nga sama sa panginahanglan sa bakuna sa mga naandan na karon. Kini kay gipagakit-an nga ang CoViD mahimong magdugay pa.
“That is why this CoViD vaccination will be part of our routine vaccination,” ingon niya. (PIO/rhm)
Cebu City • News & Information 