Ni Rey Pasaporte
PIO Reporter

CITY HALL, Cebu City (Oktubre 24, 2022) — Gihangyo ni Mayor Mike Rama ang bag-ong nilingkod nga labaw sa Police Regional Office-7, Police Brigadier General Roderick Augustus Alba, nga butangan og pulis sa mga sitio sa kabarangayan sa dakbayan.

Ila kining nasabotan atol sa pagbisita ni Alba sa buhatan sa mayor kagahapon sa hapon.

Pulong ni Mayor Rama, dili na siya gusto nga mohangyo sa ulohang buhatan sa Philippine National Police aron mangayo og augmentation force alang sa dakbayan sa Sugbo aron pagbantay sa kahapsay ug kalinaw sa sitio gyud mismo.

Imbis mohangyo pa siya sa nasudnong pamunoan sa PNP didto sa kaulohan, gihangyo ni Mayor Mike Rama P/Brigadier General Roderick Alba nga ang Police Regional Office-7 na ang modugang og kapulisan sa dakbayan ilabi na sa panahon nga adunay dagkong mga okasyon. (PIO/Allan Cuizon)

Iyang gusto nga ang PRO-7 mao nay mobuhat niini, ilabi na kay nagkaduol na ang pagsaulog sa Pasko ug Bag-ong Tuig ug ang Sinulog karong Enero 2023.

Sa pagka-karon, ang Cebu City Police Office (CCPO) adunay 1,100 ka mga sakop samtang ang 900 sa PRO-7, kansang headquarters ani-a sa dakbayan.

“If a peace and order threat will hit the City of Cebu, the good thing about you is you are just there and automatic augmentation (from you),” sulti ni Mayor Rama kang Alba.

If a peace and order threat will hit the City of Cebu, the good thing about you is you are just there and automatic augmentation (from you).

Mayor Mike Rama

“The problem is we cannot be telling you to go out and…go to the sitios.  Pero kung maka-arrange ta ana lipay na ‘ko,” dugang niya.

Gipasalig hinuon ni Alba nga iyan kining pangitaan og paagi. “Yes sir, no problem. Win-win tayo,” tubag niya.

Gisapasalig sab ni Mayor Rama nga kung mahitabo kini mangita siya sab og paagi nga mahatagan og insentibo ang mga kapulisan nga nadistino sa PRO-7.

Nakasuway na ang dakbayan nga adunay augmentation force nga kapulisan nga madestino dinhi, sama niadtong Enero dihang kalit nisaka ang mga kaso sa CoViD-19 sa dakbayan. (PIO/File)

Ang tanang kapulisan nga sakop sa Cebu City Police Office (CCPO) kasamtangang nagdawatan og binuwan nga insentibo gikan sa kagamhanan sa dakbayan.

Iyang gihinumdom ang sa panahon nga konsehal pa siya nga adunay gitawag nga “Oplan Pakigsandurot”, hain dili lang mga pulis ang mohatag sa ilang serbisyo sa panahon nga off duty sila kundili ang uban sab nga mga tigpatuman sa balaod.

Sila si Atty Collin Rosell, Office of the Mayor executive secretary, ug Atty. Jerone Castillo, mayor’s assistant on special projects, maoy gimandoan sa mayor nga a nga mangita paagi aron mahatagan og insentibo ang mga kapulisan sa PRO-7

“Look for an incentives for the Region (PRO-7). Region will be considered an arm of the City of Cebu,” sulti ni Mayor Rama.

Kuyog ni Alba sa pagbisita sa mayor sila si CCPO Director P/Col.Ireneo Dalogdog, CCPO Deputy City Director for Administration P/Col. Wilbert Parilla, ug PRO-7 Legal Division Chief P/Col. Atty. Ehdel Pereira. #

Dugang pulis gipakatap na