Ni Renato Pasaporte 
PIO Reporter

CITY HALL, Cebu City (Oktubre 10, 2022) — Taliwala sa nagpadayong lihok sa mga telecommunications companies (Telcos) dinhi sa dakbayan, wala gikahimuot ni Mayor Mike Rama ang nahimo nilang agi.

Gisulti ni Mayor Mike Rama atol sa tigom sa Technical Infrastructure Committee karong adlawa ang iyang kahisagmuyo kabahin sa daghan gihapong mga nagrambol nga mga wires sa bisan haing dapit sa dakbayan. (PIO/Allan Cuizon)

Kini kay sa kada subay niya sa mga kadalanan sayo sa buntag aduna gihapon siyay makita nga mga nangumbinay nga mga wire nga wala pa gyud mahipos ug gabahirig nga mga poste nga wala pa gyud mailisdi.

Gipatawag niya sila kaganihang buntag pinaagi sa tigom sa Technical Infrastructure Committee (TIC) nga gipahigayon dinhi sa City Hall ug gisultihan sa iyang kahisagmuyo.

Iya silang gipinahan nga kinahanglang wala nay makitang mga “spaghetti wire” ug mga poste nga gabahirig karong Disyembre, o mga duha ka buwan gikan karon.

Atty. Jerone Castillo. (PIO/File)

Kay kung dili, pulong ni Mayor Rama, magtukod siya og linain nga grupo nga maoy maoy manguha og mamutol sa mga wires.

“First week of December I don’t want to see anymore spaghetti wires. Doable? Not doable?” baod sa mayor.

Si Atty Jerone Castillo, special asssistant ni Mayor Rama, nihangyo sa mga Telcos nga nga unta paspasan ang ilang pagtrabaho sa paghipos sa nagkatag nga mga wire.

Nisugyot siya nga nga mga Telcos mohimo og usa ka master plan hain maghimo og lima ka mga cluster nga pangulohan og usa ka sakop sa TIC nga maoy moganid og limpyo sa mga wire ug moilis sa mga poste.

Usa sa gihimong sanglitanan ni Mayor Rama ang daghang nagbitay nga mga wires sa Barangay Carreta, nga usa sa iyang mga gilakaw bag-o lang sa katuyoan nga makita niya mismo ang kahimtang sa mga aseras aron mapatangtang ang mga nagbabag sa agianan.

Padayon gihapon ang paghinlo sa naglambod nga mga wires ug nagbahirig nga mga poste dinhi sa atong dakbayan. (PIO/ File Photo)

“People are calling my attention, ‘ingon ka Singapore-like ‘nya pagkahuman daghan kayo og spaghetti (wires). Ingon ka Singapore-like naa pa gihapoy mga poste diri oh’,” sulti sa mayor.

“I am very serious, I am organizing my own team.  Lead by whom? The mayor of the City of Cebu,” dugang niya.

Apil unya sa maong team sila si Ramil Ayuman, ang iyang secretary on special projects; Dr. Jeffrey Ibones, labaw sa City Health Department; Konsehal Franklin Ong, presidente sa Association of Barangay Councils; ug mga opisyales sa barangay. 

First week of December I don’t want to see anymore spaghetti wires. Doable? Not doable?…I am very serious, I am organizing my own team.  Lead by whom? The mayor of the City of Cebu.

Mayor Mike Rama

Sila unya ang moumol sa grupo nga mao gyuy mamutol sa mga wire, butang nga dili gusto sa mga Telcos kay dako ang purohan nga mabugto ang ilang mga linya nga moresulta sa pagkatandog sa ilang serbisyo.

Gibutyag ni Mayor Rama nga nakasuway na siya kaniadto nga masamad ang agtang tungod sa nagbitay nga wire samtang naglakaw siya.“That’s a terrible experience I had. That means you’re not checking your wires, are you not? Go around Cebu City there are wires hanging (everywhere),” ingo niya. #

DTI asked to go after fake electric wires