Pagpanglimpyo niadtong sabado labing malampuson

Ni Rey Pasaporte 
PIO Reporter

CITY HALL, Cebu City (Sept 19, 2022) – Labing malampuson ang gipahigayong “9th City-wide coastal clean-up” niadtong Sabado, Sept. 17, bisan kung nigamay ang gidaghanong sa nakuhang basura.

Pulong ni Raymarr Hijara, special assistant ni Mayor Mike Rama kabahin sa kalikopan, nga itandi sa nangaging pagpanglimpyo, niabot sa 8,000 ka mga tawo ang nisalmot sa kalihokan.

“We found out nga arang daghana gyud sa ning-join this time since nag-open naman gud ang mga eskuylahan. So, nagpadala ang mga eskuylahan tag-200 kabuok,100 kabuok, besides sa atoang participation sa barangay,” ingon niya.

Duna say mga grupo, matud niya, nga nibulontaryo sab og salmot bisan kung walay nadawat nga imbitasyon gikan mismo sa kagamhanan.

“Medyo mura nigamay ron kay 12 tons na lamang siya. Sa una kay mokolekta man ta ta’g 40, 50 (tons) something ana. So karon, medyo  ning-gamay, though naay changes sa area sa collection sa una kay moabot man to ug 19 ka identified areas,” sumala ni Hijara.

We found out nga arang daghana gyud sa ning-join this time since nag-open naman gud ang mga eskuylahan. So, nagpadala ang mga eskuylahan tag-200 kabuok,100 kabuok, besides sa atoang participation sa barangay.

Raymarr Hijara, special assistant ni Mayor Mike Rama

Bisan pa man niini, gihulagway ni Atty. John Jigo Dacua, labaw sa Department of Public Services (DPS), nga malampuson ang maong kalihokan, nga giapilan sa mga kawani sa City Hall, sa mga taga-barangay, nasudnong mga buhatan, ug mga volunteers.

“It was a successful event…daghan kaayo tang nakolekta nga basura,” sulti niya.

Nanghinaut siya nga unta dili lang sa dakbayan ang kalihokan kay ang nindot gyud unta dunay pagsalmot ang mga lumoplupyo mismo, nga sila mismo manglimpyo sa ilang mga tugkaran ilabina kadtong nagpuyo kilid sa kasapaan. 

Gawas sa mga taga-City Hall, ang nangapil sa pagpanglimpyo mao ang Bureau of Fisheries and Aquatic Resources, Department of Environment and Natural Resources, Philippine Navy, Department of Interior and Local Government, Philippine Drug Enforcement Agency, University of Cebu Law School, University of San Carlos Community Extension Services;

 University of the Visayas, University of Southern Philippines Foundation, Cebu Technological University, Cebu Business Park, Cebu IT Park, Visayan Surety and Insurance, Robinsons Land, Cordova-Cebu Link Expressway, taga-Holland kompanya CLEWAT, Philippine Institute of Chemical Engineers;

Filinvest Land, Filinvest City de Mare, Megawide Construciton Corp., Cebu Chamber of Commerce and Industry, Filipino-Chinese Chamber of Commerce and Industry, Cebu Archdiocesan Commission on Environmental Concerns, SeaKnights, Feet of Seawater Scuba Diving Services, Inc., Cebu Pink Paddlers Dragonboat Team, ug ang Pads Dragonboat Team. #