Ni Rey Pasaporte
PIO Reporter

LA FORTUNA HOTEL, Cebu City (Sept. 15, 2022) — Gipaubos sugod karong adlawa sa tulo ka adlaw nga “Emergency Operations Center (EOC) Training” dinhi ang mga kawani sa pipila ka mga buhatan sa kagamhanan sa dakbayan.

Lyntoni Alburo. (PIO/Allan Defensor)

Pulong ni Lyntoni Alburo, labaw sa Quick Response Team sa Cebu City Disaster Risk Reduction and Management Office (CCDRRMO), usa gyud sa nakahan-ay nga pagbansay ang maong training alang karong tuiga.

“In case nga naay moabot nga katalagman diri sa atoang city, at least ready na sila, kahibawo sila og unsay ilahang buluhaton, unsay tagsatagsa nila ka responsibilidad ug tagsatagsa ka obligasyon sa atoang Emergency Operations Center,” sulti niya.

“Sila sad ang dunay kapasidad nga mo impart unsay ilang nakat-onan diri. I-impart nila sa ilang tagsatagsa ka mga miyembro sa ilang offices,” dugang ni Alburo.

Gawas sa mga kawani sa City Hall, naa say niapil gikan sa Metropolitan Cebu Water District,Visayan Electric Company, Philippine National Police, ug Bureau of Fire Protection.

In case nga naay moabot nga katalagman diri sa atoang city, at least ready na sila, kahibawo sila og unsay ilahang buluhaton, unsay tagsatagsa nila ka responsibilidad ug tagsatagsa ka obligasyon sa atoang Emergency Operations Center.

Lyntoni Alburo, labaw sa Quick Response Team sa CCDRRMO

“Inyong makita panahon sa Odette kung kinsa to nga personnel nga naa didto, sila to, but that time man gud wala pa tay training ato. So, hopefully, in cases nga naay mahitabo, simbako palayo, sa atong siyudad, naa na tay grupo. naa na tay clusters namugna or na-create para motubag sa mga panginahanglan sa atoang mga residente sa Cebu City,” puloni ni Dugang ni Alburo.

Si Dennis Atto sa Capacity Building Training Section sa Office of the Civil Defense (OCD)-7 maoy resource speaker sa pagbantay.

Pulong niya, mahinungdanon nga suhito ang mga hingtungdan kabahin sa EOC aron magkauyon ang mga lihok ug walay magdoble nga nga mga lakang, nga moresulta lang unya sa pagkausik sa paningkamot ug sa pundo.

Gitudlo ni Dennis Atto sa Office of Civil Defense-7 ang iyang mga nakamaohan kabahin sa “Emergency Operations Center” ngadto sa mga kawani sa City Hall, ilabi na gyud sa mga taga-Cebu City Disaster Risk Reduction and Management. (PIO/Allan Defensor)

“So, in order nga ma-harmonize, mao na ang tanang mga council nga clusters ato silang i-organize para to operate sa gitawag nato nga facility nga Emergency Operations Center,” ingon niya.

“Ato siyang gi-organize karon, gi-train nato sila para mahibaw-an nila kung unsay rules and responsibilities nila puhon matag ahensya kung mo-sit down na sila sa Emergency Operations Center,” dugang ni Atto. #

Barangays get three-day disaster training