Ni Russel Fullozos
PIO Reporter

CEBU CITY (Sept. 6, 2022) — Nibisita karong adlawa kang Mayor Mike Rama ang executive director sa Philippine National Volunteer Service Coordinating Agency (PNVSCA) aron pagdapit sa kagamhanan nga motuboy og kawani nga ibangga sa indigay sa “Outstanding Volunteer in Local Government”.

Donald James D. Gawe. (PIO/Allan Defensor)

Pulong ni Donald James D. Gawe tuyo siyang nakigtagbo sa mayor kay sayod siya nga daghang nailhan si Mayor Rama sa City Hall nga adunay pagmahal sa serbisyo og motrabaho nga wala maghunahuna og bayad o gasa alang sa dugang serbisyo.

Ang PNVSCA ubos sa pagdumala sa National Economic Development Authority (NEDA) ug natukod niadto pang 1964 alang sa maong adbokasiya.

Sa ilang panagkita, gisultian si Gawe ni Mayor Rama kabahin sa iyang prinsipyo nga 3Bs.

“Ganito yan Donald, dapat sabay ang 3Bs—Barangayan, Bayanihan, at Boluntarismo. Kapag magsama yan, magtatagumpay lahat nga plano,” pulong ni Mayor Rama.

Sa ilang panag-istorya, nahibaw-an ni Gawe nga daghang kahigayon sa bolunterismo buhat ang kagamhanan. Gihangyo niya si Mayor Rama hatagan siya og higayon nga moistorya atol sa tigom sa League of Cities of the Philippines (LCP) karong Nobiyembre. Si Mayor Rama maoy nasudnong president sa LCP.

Ganito yan… dapat sabay ang 3Bs—Barangayan, Bayanihan, at Boluntarismo. Kapag magsama yan, magtatagumpay lahat nga plano.

Mayor Mike Rama

“The Cebu City Government has a lot of volunteering engagement activity. We hope to see Cebu the city that should be modeling after, so that other local government unit in the Philippines will follow,” ingon niya.

Pulong ni Gawe, kadtong interesado nga moapil sa indigay mahimong mopadangat sa ilang aplikasyon sa dili pa ang Huwebes sunod semana, Septiyembre 15, ngadto sa buhatan sa NEDA-7. #

Umento sa sweldo alang sa ‘outstanding employees’ sa City Hall